Өлеңдер ✍️
  15.04.2022
  136

Автор: Қалижан Бекхожин

БӘЙТЕРЕКТЕН ҰЯЛДЫМ


Есігімнің алдында
Бәйтерек бар тым биік.
Тәкаппар бір қалпында,
Жайқалады дүрдиіп.
 Осы терек тегінде,
Құрдас шығар менімен.
Бірақ қарап көгіне,
Дәйім асқақ керілген.
Құрдас жылдар өткен бе,
Бурыл тартты бұл басым.
Жапырақ жайып көктемде,
Жасарады құрдасым.
Ол тұр асқақ сипатпен,
Биігіндей қиялдың.
Ақ шашымды сипап мен,
Бәйтеректен ұялдым...


  Қалижан Бекхожин өлеңдері Қалижан Бекхожин шығармашылығы Бәйтерек

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  ӨКІНЕМ ᐈ
  КӨЗІМДІ МЕНІҢ ҚЫЗҒАНБА ᐈ
  ҚҰШАҚТАҒЫМ КЕЛЕДІ ᐈ
  АРТЫҚ КӨРЕМ ᐈ
  ЖАҚСЫ БОЛСА СҮЙГЕНІҢ ᐈ

Пікір жазу