Өлеңдер ✍️

  07.04.2022
  85


Автор: Қалижан Бекхожин

ЕСІМДЕ

(Жол-ға)
Қалды есімде сол шағың
Тұрдың-ау сен күлімдеп.
Жалындады құшағың,
От жүрегің дүбірлеп.
Есіңде ме, ерідім
Сол бір сәби сүйістен.
Балдай еді-ау ерінің
Ерініме тиіскен.
Сен биязы қалпыңмен
Маған сұлу көріндің.
Жан сырымды айтып ем
Наз жырындай өмірдің.
Мені тастап, жоғалдың
Самал соққан бір кешпен.
Жат құшаққа оралдың,
Шығардың ба мені естен?
Өкінішпен өтті шақ,
Мен де бөтен жар таптым.
 Жырлап талай, сені аңсап,
Арманымды тарқаттым.
Бұл дүние жүзінде
Көп қой ғашық шерменде.
Телміремін жүзіңе
Әлі, сені көргенде...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу