04.04.2022
  472

Автор: Абдрахман Асылбек

Ұшқыш

Кең аспанды шарлаған,
Ұшқыш деген мен болам.
Зымырандай самғаған
Ерен жүйрік ер болам.
Құздан өтіп,
Құлдырап,
Бұлттан да әрі асқанда,
Көз ұшында бұлдырап,
Шығам шырқау аспанға.
Күн күледі төбемде,
Тазарып шаң, түтіннен.
Бұлт дегенің төменде –
Ақ мақтадай түтілген.
Сапар шегіп тұс-тұсқа,
Жылдам жетіп бара алам.
Мен секілді ұшқышқа
Алғыс айтар бар адам.


  Абдрахман Асылбек тақпақтары Абдрахман Асылбек Ұшқыш мамандық аспан

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Космонавт ᐈ
  Мүше ᐈ
  Саудагүлдің саудасы ᐈ
  Мейрамханада ᐈ
  Он шыбын ᐈ

Пікір жазу