03.04.2022
  126


Автор: Абдрахман Асылбек

Қапшағай

Атады онда балқып таң,
Айдын-шалқар Қапшағай.
Қапшағайды шалқытқан
Қонаевтай жақсы ағай.
Жағасында Іленің
Жайқалады бақша-жай.
Барша-жайдың реңін
Нұрландырған Қапшағай.
Үлкен-кіші демалып,
Жан рақат тапса жай,
Көңілімен кең, алып
Құшақ жайған Қапшағай.
Алматының аймағы
Шам-шырағын жақса жай,
Күндіз-түні жайдары,
Қуат берген Қапшағай.
Айнымайды Балтықтан
Айдын-шалқар Қапшағай.
Қапшағайды шалқытқан
Қонаевтай жақсы ағай.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу