👈 қаріп өлшемі 👉

  Өлеңдер ✍️

  02.04.2022
  27


Автор: Абдрахман Асылбек

Талас

Байқасаңдар, қарақтар,
«Талас» деген шарап бар.
Болса да арзан бағасы,
Артықша қызу шамасы.
Толқынды өзен Таластай
Ол да толқып жататын.
Кезек күтіп таласпай,
Қызығына ел бататын.
Құрып кетіп екі-үш жылға сол «Талас»,
Ішкіштерде басталды бір жанталас.
Бұл ниетті байқаған,
Сауда жағы қайтадан
Талас өзен тәрізді
«Таластарды» ағызды.
Ішкіштердің тасырлы
Айқай-шуы басылды.
Ал, Таластай өзеннің
Аты бар да, заты жоқ.
Қуаңшылық кезең бұл,
Қалды арнасы тақыр боп.
Талас түгел суалғанмен тартылып,
Жоқтаған жан болмады оны шарқ ұрып.
* * *
Қай жағында қалайын,
Пікір туса тайталас?
Айтыңдаршы, ағайын,
Қажеттісі қай Талас?


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы