👈 қаріп өлшемі 👉

  Өлеңдер ✍️

  26.03.2022
  35


Автор: Абдрахман Асылбек

Есімовке

Ел еркесі Есімов,
Ел серкесі Есімов.
Әкім болып келді деп,
Қуанып ек қосылып.
Келісімен жұмысқа
Кіреді деп шешініп.
Бірақ, барлық ісіңді
Бастадың тек тосылып.
Әлде, барлық ниетіңді
Ауыл жаққа көшіріп,
Агроном боп жүрмісің,
Жүгерісін өсіріп?
Қала қалды жайына,
Қараймыз тек шошынып:
Бітпей қалды сансыз үй,
Мезгілінен кешігіп.
Жылға жетпей жолдары
Қалды құрқ-шұрқ тесіліп.
Машиналар митыңдап,
Жүре алмайды көсіліп.
Елді алдайсың қашанғы,
Құрғақ сөзбен есіліп?
Саған артқан сенімнің
Болғаны ма бос үміт?
Жаса тура тіршілік,
Елді ойласаң, Есімов.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы