Өлеңдер ✍️

Сүйген жүрек сыңарын, Іздеп тыным таппайды.
Махаббаттың шуағын, Суытпастан сақтайды.
 Сағыныштан сарылып, Сарқып ішіп қанша айды;
Сүйген жүрек сағынып, Сүйген жүрек аңсайды!
Сүйген жүрек сүйкімді, – Жақын тартып, жақтайды.
Сезім билеп сиқырлы, Бақыт құсын баптайды.
Сүйген жүрек тұрмайды, Бір-біріне мін артып,
Сүйген жүрек жырлайды, Ғашық әнін құмартып.
Сүйген жүрек сенеді, Жетемін деп бақытқа.
Сүйген жүрек жеңеді, Төзіп сын мен уақытқа.
Сүйген жүрек сыңарын, Сын кешсе де сатпайды.
Махабаттың тұмарын, – Мәңгі-бақи сақтайды!