Өлеңдер ✍️

Жастықтың жәннәт бағында, Жолықтың маған, көріктім.
Жырымды жылы қабылда, Сырым бар айтар, соны ұққын.
Құлпыра жайнап гүл үміт, Ғажайып бір күйге енгем.
Арманым сен деп ұғынып, Алаулап сені сүйгем мен.
Бағына қондың жүректің, Баурады, жаным, тәтті үнің.
Қуаныш құштым, нұр өптім, Шапағын шашты шаттығым.
Сырларын нәзік ақтарып, Жүректер үнсіз ұғысқан.
Тілекпен ізгі аттадық, Өмірге мынау гүлстан.
 Кеудеде мәңгі маздасын, Махаббат оты тұтанған.
Өмірде, жаным, аз ба сын, Ізгілік қана күт алдан.
Сырымды солай сен ұғын, Осылай жүрек шешімі.
Ертеңге берік сенімім, Болашақ бақыт бесігі.