Өлеңдер ✍️
  16.03.2022
  125

Автор: Абдрахман Асылбек

Сұлулық ортақ әлемде

Көркіңе шексіз құмартып,
Қадалар көздер мұнартып.
Бір адам ғана бір саған
Иелік ету тым артық.
Қосылған таңдап күйеуің –
Өмірлік сенің сүйеуің.
Ренжи көрмес ол оған,
Десе егер біреу: «сүйемін».
Сұлулық ортақ бар елде,
Сұлулық ортақ әлемде.
Ешқандай күнә емес-ті,
Сұлуды сүю, әменде.
Сұлуды сендей жаратқан,
Көркіне көпті қаратқан,
Алланы жазғыра алмаспыз,
Сөнбейтін сәуле таратқан.


  Абдрахман Асылбек өлеңдері Абдрахман Асылбек сұлу әлем ортақ қадам

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Имандылық ᐈ
  Менің де күнім туады ᐈ
  Ойға кеттім ᐈ
  Мүмкін бе? ᐈ
  Жасай бер, қазақ тілім ᐈ

Пікір жазу