Өлеңдер ✍️
Өлеңдер ✍️
04.03.2022
117
Бір ақынды бір ақын
Бір ақынды бір ақын
Қайталаса – өлгені.
Өлмес өмір мұратын
Өз қолымен көмгені.
Өзге түгіл өзіңді
Қайталауға бола ма?
Онда, алтын сөзіңді
Айналдырдың қолаға.
Нағыз ақын жырлайды
Тоқсан толғап, мың бұрап.
Сұлу сөзі сырнайлы
Сайрап тұрар сыңғырап.
Болмақ емес басқаша
Ақын айтқан ишара.
Біреуге ұқсай бастаса,
Барып тұрған бишара.
Әлеуметтік желілерде бөлісіңіз:
Facebook | VK | WhatsApp | Telegram | Twitter