Өлеңдер ✍️
Өлеңдер ✍️
22.02.2022
86
ЫНТЫҚЗАР
Кірпігіңнің ұшымен
Белгі берші, өтінем.
Бәрін сонда түсінем
Жүрегімнің шетімен.
Саусақтағы дірілді
Шаштарыма тигізші.
Іңірдегі күбірді
Ерініңнен сүйгізші.
Көздеріннің түбінде,
Айтшы, неге бір шық тұр?
Жанарыма үңіл де,
Қарашыққа тұншықтыр!
Жиілеген тыныстан
Өртеп ал да деміңе.
Ескерусіз бұрыштан
Шығарып сал көгіме.
Қалтыраған сезімді
Жылытайын көркіңе.
Қалшылдаған төзімді
Жіберейін еркіне.
Мен іздеген жұмағым,
Бәлкім, сенің жолыңда.
Шөлдетпеші, бұлағым,
Бәрі сенің қолыңда...
Әлеуметтік желілерде бөлісіңіз:
Facebook | VK | WhatsApp | Telegram | Twitter