Өлеңдер ✍️
Өлеңдер ✍️
22.02.2022
155
КЕШКІ ОДА
Сенін ернің – пейіштегі гүл сынды,
Демің сенің сездіреді тылсымды...
Көзің сенің – Ай жұтылған түн сынды,
Сезім неге мөлдіреген мұң сынды?..
Қара шашың – Қара теңіз толқыны,
Қарашығың – мен адасар жол түбі...
Жүрегіңе сезіле ме, тыңдашы,
Сені аңсаған жүрегімнің солқылы?!
Саусақтарың – жапырағы қайыңның,
Қауырсынның сәулелермен ойыны...
Жанарыңда жасырулы мың жұмбақ,
Көзқараста періштенің пайымы...
Әлеуметтік желілерде бөлісіңіз:
Facebook | VK | WhatsApp | Telegram | Twitter