Өлеңдер ✍️

  22.02.2022
  118


Автор: Ақберен Елгезек

ӨКПЕ

Әр көше – жыр жолы, түп-түзу.
Көліктер – қозғалған әріптер.
Қоштасу. Жете алмау. Күткізу.
Бір-бірін сүймейтін ғаріптер.
Күтпеші адамды келмейтін.
Тағдырдың тым қатал пәрмені.
Көшелер – өлеңдер өлмейтін,
жадыңа оралтар әрнені.
Қозғалма, ойланба, түсінбе...
Өзіңнің жаныңнан кім ыстық?
Жыласын ішіңде
дыбыстан қалғыған тыныштық.
Ойлама, күтпе де, зарықпа.
Ешқандай әуенге бөленбе.
Өзіңді құрметте, қадірле,
жалғызсың әлемде.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу