Өлеңдер ✍️

  22.02.2022
  134


Автор: Ақберен Елгезек

ҚОЛШАТЫР

Сәулем,
жаңбыр тоқтады.
Бақтағы жырғады гүл.
Құдай сақтады,
Құлап жатыр ылғалды нұр.
Сәулем,
үміт пен ымды
қолшатырмен жалғады кім?
Мендегі жынды
сендегі арбады мұң...
Сәулем,
жаңбыр мен едім,
Шіркін-ай, бұлақтай аға алсам еді!..
Бүгін неге сезім селдір?
Сүңгіп, мәңгіге жоғалсам еді
Жан-дүниеңе сенің мөлдір...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу