Өлеңдер ✍️

  22.02.2022
  118


Автор: Ақберен Елгезек

ПЕТРОГЛИФТЕР

Жалығып мына түзден, мына маңнан,
Жабығып тұмандар мен жылаулардан,
Билеп жүр тас бетінде бейнелер мың,
Ән аулап әуедегі тыраулардан.
Жалыққан ғылыми сұраулардан,
Тастарды сипап тұрмын қырауланған.
Ең бағзы туыстарым садақ ұстап,
Енсе ғой түсіме дәл түн ауғанда.
Бұғыны қаумалап кеп жығатұғын,
Солармен бір жүрейін мына түні.
Қашармын тас бетіне мен де бірде
Ғасырлар ішіндегі бір атымды.
Ынтызарлар жиылған көп қаладан.
Сақтай гөр жадында түк жоқ баладан!
Алақанмен әдемі естіп тұрмын,
Тас тілінде тілдескен көк пен адам...
Таңбалы тас,
2009 жыл, қазан




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу