Әнін жазған Меліс Өзбеков

Өмірдің бақтарында
Қарлығаштар қалықтайды.
Көңілді шақтарында
Сайрандаудан жалықпайды.

Қайырмасы:
Ақ тамақ қарлығаштар –
Қаракөз қарындастар.
Күн болып көріндіңдер,
Гүл болып өрілдіңдер.

Бақыт боп жаралдыңдар,
Ән болып таралдыңдар.
Қаракөз қарындастар –
Ақ тамақ қарлығаштар.

Көшеде бара жатсаң,
Кезігеді қарсы алдыңнан.
Қиылған қара қастар
Көркіменен тамсандырған.

Қайырмасы.

Тұтатып үміттерді,
Салқындықты жолатпайды.
Қуантып жігіттерді,
Бақыт болып қонақтайды.

Қайырмасы.