👈 қаріп өлшемі 👉

  Баталар ✍️

  20.02.2022
  129


Автор: Абдрахман Асылбек

Төле бидің батасы

Әнін жазған Жоламан Тұрынбаев

О, жарандар, жарандар!
Қансыраған далам бар,
Шұбырынды ақтабан,
Қысып тұрған заман бар.
Ауыздықпен су ішер,
Ат басына күн туды.
Етігімен су кешер,
Ер басына күн туды.
Қорғайтұғын кез келді,
Қазақ деген ұлтыңды.
Өздеріңдей ерлерді,
Ел тумаса, кім туды?!
Қаракерей Қабанбай,
Қанжығалы Бөгенбай,
Шақшақұлы Жәнібек,
Шапырашты Наурызбай!
Балтакерей Тұрсынбай,
Саңырық, Тайлақ, Олжабай,
Баян, Берді, Өтеген,
Елдің берік қорғаны-ай!
А, құдайым қолдасын,
Тілегімді оңдасын.
Жолдарың боп жортқанда,
Қыдыр болсын жолдасың!
А, құдайым қолдасын,
Бетен көштер қонбасын.
Тілегіміз қабыл боп,
Тыныш заман орнасын!
Бастағалы келіп тұр,
Айбынды хан Абылай.
Елім көмек беріп тұр,
Қолдай көргін, а, құдай!
Жығылмасын туларың,
Арнап тұрмын батамды,
Топтасыңдар тезірек,
Жаудың беті қатал-ды!


 


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы