👈 қаріп өлшемі 👉

  20.02.2022
  64


Автор: Абдрахман Асылбек

Әдемі қыз

Әнін жазған Радион Тэн

Әдемі қыз, әдемі –
Сұлулықтың әлемі,
Жігіттердің жан емі,
Одан бәрі дәмелі.
Әдемі қыз үнемі
Әдемі боп жүреді.
Әдемі деп жалындар
Жігіттердің жүрегі.

Қайырмасы:
Ей, жаным, маған қарашы:
Көздің қарасы,
Сөздің сарасы,
Ей, жанам, мен емес пе?
Бақ құсым деп санашы,
Артық бағасы.
Әдемілік – таң нұры,
Әдемілік – жан гүлі.

Әдеміге арналған
Ақындардың ән-жыры.
Әдемілеп әнін де,
Әдемілеп тәнін де,
Аруларды жаратқан,
Ырзамын мен Тәңірге.

Қайырмасы:

Ей, жаным, парқын білемін:
Жарқын жүрегім,
Алтын гүл өңім.
Ей, жаным, ұғамысың?
Бір өзің деп үнемі,
Ән сап жүремін.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы