👈 қаріп өлшемі 👉

  20.02.2022
  35


Автор: Абдрахман Асылбек

Таң

Алтын таңмен арайлы
Жайқалар бақ балбырап.
Гүлдендіріп маңайды,
Анарлар тұр албырап.
Жылы сәуле түседі
Жемістерге мұндағы.
Апелсиндер піседі –
Күннің ерке ұлдары.
Сіңе берді күн шуақ,
Тәтті әуенге таң бөлеп.
Жұпар иісі бұрқырап,
Дөңгеленді әңгелек.
Мектепке әсем сән беріп,
Көк теректер құлпырды.
Таң нұрымен әрленіп,
Күнге қарай ұмтылды.
Күн астында өрімдей
Ұл-қыздар да өседі.
Туған жердің төрінде
Қызық дәурен кешеді.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы