Арайланып таң атты,
Алтын нұрын таратты.
Оқушы отыр сыныпта,
Ашып әппақ парақты.
«Әліппесі» алдында,
Бәрі қызық балғынға.
Әріптерін таныса,
Небір жұмбақ бар мұнда.
Сөйлеп кетті мұғалім,
Тосты ұлан құлағын:
«Ынта қойып тыңдасаң,
Білім – жарық шырағың.
Мынау – сенің сыныбың,
Мөлдір бастау тұнығың.
Қанып ішсең тұнығын,
Құлдырайсың, құлыным.
Құтты болсын қадамың,
Мықты болсын талабың.
Күтіп отыр заманың
Заңғар болар адамын».