Тақпақтар ✍️
Тақпақтар ✍️
14.02.2022
83
КЕШКІЛІК
Ақша бұлттың пұшпағы,
Ал қызыл боп түрленді.
Ұшты түннің құстары,
Аспан күңгірт түрге енді...
Құсбазары тарады,
Ойланды көл толқыны.
Қарауытып барады,
Таудың сонау қолтығы.
Кешкі самал уілдеп,
Қанаттарын сермейді.
Жас бұлақтың дірілдеп,
Жапырағын тербейді.
Малшылардың дабыры
Алыстан жүр естіліп.
Кең алқапқа сабырлы,
Келе жатыр кешкілік.
Әлеуметтік желілерде бөлісіңіз:
Facebook | VK | WhatsApp | Telegram | Twitter