14.02.2022
  106


Автор: Абдрахман Асылбек

Ұмытшақ

Тапсырып бір жұмысты,
Жұмсай қалсаң бір жаққа,
Орындамай бұл істі,
Қайтады інім бір шақта.
Ақырындап алдымен
Сұрай қалсаң мәнісін,
Дейді:
«Ұмытып қалдым мен
Айтқаныңның бәрісін».
Уақтылы оянып,
Жуылмайды қолы да.
Жатпайды оған ұялып,
Ұмытады оны да.
Ұнатады оны кім,
Ұмытса ылғи сабағын.
Ал, бірақ та сол інім,
Ұмытпай жүр тамағын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу