👈 қаріп өлшемі 👉

  12.02.2022
  57


Автор: Абдрахман Асылбек

Көктем

Көктем күні күркіреп,
Жаңбыр жауды сіркіреп.
Бәйшешектер дүркіреп,
Шыға келді қыр түлеп.
Көктем күні шуақты,
Көктем күні қуатты.
Мал жағалап суатты,
Сай-саламен су ақты.
Сылдыр-сылдыр бұлақтар,
Сыбдыр-сыбдыр құрақтар,
Күрт-күрт орып құр аттар,
Сырт-сырт ойнар лақтар.
Көбелектер көлбеңдеп,
Ебелектер елбеңдеп,
Қаз-үйректер кердеңдеп,
Ұшып жатыр көлден көп,
Күлім қағып күн шығып,
Күн нұрымен бір шығып,
Ел еңбекке құлшынып,
Қыза түскен тіршілік.
Кешке оралып мал қырдан,
Ауыл маңын даң қылған.
Көктем күні ән-думан,
Қуанады балдырған.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы