Өлеңдер ✍️

  08.02.2022
  93


Автор: Шәмшия Жұбатова

Арна

Елжіреймін, өксимін, өртенемін,
Мұңаямын, шаттандым, еркеледім.
 
Түтініңді шалқытып ұшыра бер,
Керней тартқан көмейі, көркем елім!
Саз ойнайды бұлақтар аспабын ап,
Жылғалардың жып-жылы ашқаны хат.
Кернеп тұрған көмейім көбік атып,
Толқындары өзеннің тасқа құлап.
Жүрегімнің жасаурап, жыла, көлі,
Құбылады қиялдың құба белі.
Жарқырайды күмістей қанаты аппақ
Болашаққа асыққан Бұлақ елі.
Маған ғашық жүректі айта көрме,
Аңыратып жыр жаздым байтақ елге.
Қауырсынын қап-қара тастап ұшсын,
Шағаласын шабыттың шайқа көлде.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу