Өлеңдер ✍️

  04.02.2022
  122


Автор: Жарасбай Нұрқанов

ТОЙ КҮНГІ ҚУАНЫШ

Əркімнің жүрген бір армандап,
Асылы, ардағы болады.
Арманға жолығып қалғанда,
Жүрегің жиірек соғады.
Той күнгі қуаныш əуені –
Тамылжып тұрған бір əн болсын.
 Құрбыңмен танысып əуелі,
Билесең, биіңде мəн болсын.
Мыңдардың ішінде бір кісі
Көңіліңді өзіне бұрады.
Құлақтан кетпейді күлкісі,
Күмістей сыңғырлап тұрады.
Аққу-қаз айдынға құмартып,
Жұптасып жүзгені сəн болсын.
Билеңдер буынды бұралтып,
Көргендер сүйсініп, таң болсын.
Уақыт зымырап өткесін,
Той-думан тарқауы Заңды ғой.
Кеудең де талпынған пəк сезім
Балапан күйінде қалды ғой.
Құрбыңнан көз жазып найқалма,
Бақытқа қол созып, бар, досым.
Жан сырын жеткізіп айтарға,
Арада дəнекер əн болсын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу