Өлеңдер ✍️

Армысыздар, қадірлі ардагерлер,
Бармысыздар, майдангер, жасы үлкендер.
Өнегелі жандар деп, ақылы мол,
Құрметтейді Сіздерді кейінгілер.
Сезінеміз көңілдің толқынын біз,
Шақырғанға қуанып, толқыдыңыз.
Болашаққа ұмтылған тыным таппай,
Сіздер – біздің алдыңғы толқынымыз.
Игілікке жұмсаған қайрат-күшін,
Сіздерге тəн жылы жүз, ойлы пішін.
Күні кеше жастарға тəлім берген,
Сіздер өте қымбатсыз біздер үшін.
Сіздер барда – біздің де бағымыз бар,
Ортамызда əлі де болыңыздар.
Денге – саулық, берсін деп, бойға – қуат,
Ардагерлер, кішкене алыңыздар!