Өлеңдер ✍️

  01.02.2022
  150


Автор: Светқали Нұржан

Соғыс мүгедегінің әзілі

"Соқыр қылған жоқ, шырақ, құдай мені,
Соқырлықтың себебі былай, — деді:
Көздеріме тыққанмын көк қорғасын,
Көрмеу керек нәрселер көп болғасын!
Керең қылған жоқ, шырақ, құдай мені,
Кереңдіктің мән-жайы былай, — деді:
Тығындағам құлаққа көк қорғасын,
Ұқпау керек нәрселер көп болғасын!.."
Осыны айтып, әлдене ескерткісі
Келді қарттың.
Бейне бір кешкі өрт — түсі...
Соғыс деген — көрсоқыр,
Тас кереңнің
Көзі тірі қалған бір — Ескерткіші...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу