👈 қаріп өлшемі 👉

  Өлеңдер ✍️

  01.02.2022
  46


Автор: Асқаржан Сәрсеков

Жиырма бірінші ғасыр

«Қиындыққа кез болсаң,
Ақыл сұрау жөн, ботам!
Ғасыр дейді 100 жылды...» –
Деп бастады сөзді атам.

Жыл санаудың мөлшерлі,
Бар өзіндік өлшемі:
«Елу жылда – ел жаңа,
Жүз жылда – қазан» деуші еді...

Сондықтан да тасып ел:
«Азаматқа асыл, ер
Жүз жасаған Жамбылдың, –
Деп тілейді, – жасын бер!»

Жүз жыл жасау олжа, құт,
Тек ел-жұрттан болма сырт...
Ғасырлардың тоғысын
Көру дағы зор бақыт!..

Ойда қалдым тағы да:
Атам, әжем – жанымда,
Әкем, анам – жанымда –
Осы шығар бағым да!

Көңілім өсіп, тасынды,
Сипап қойдым басымды:
Аяқтадық біз бірге
Жиырмасыншы ғасырды...

Қызықпайды кім бізге:
Аман жеттік бұл күнге...
XXI – жаңа ғасырды
Бастап тұрмыз біз бірге...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы