Өлеңдер ✍️

Қара нар жүк көтермес бел кеткен соң,
Кең жайлау құлазиды ел кеткен соң
Бірге өскен кішкентайдан сәулем едің,
He болар енді күнім сен кеткен соң?
Кілтін бір алтын сандық ашқым келді,
Көңілді қапаланған басқым келді.
Басында биік шыңның тұрсаң-дағы
Үстінен сол қияның асқым келді.
Ар жағы Қаптауының иран бағы,
Жігіттің дәл жиырма бес деген шағы.
Бағаңа жан жетпейтін асыл еркем,
Даражаң жұлдызбен тең аспандағы.
Түлкінің қалың тоғай іні болар,
Жаманның тал бойында міні болар.
Басыңды шардан шарға соқсаң-дағы,
Бір кесел осындайдың күні болар.