31.01.2022
  110


Автор: Жеңіс Қашқынов

Әлі де жүр күтіп

Сыйлап ем Сараға,
Торда отырған бұлбұлды.
- Бой жазсын, - деп, далаға
Қоя берді бір күні.
- Бұлбұл неге кешікті? –
деп, салды да жем торға.
Айқара ашып есікті,
Қояды апарып балконға.
Ол құсына сенеді,
Көңілін жықсын кім мұның.
- Торға қайтып келеді, -
Деп күтеді бұлбұлды.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу