👈 қаріп өлшемі 👉

  Өлеңдер ✍️

  31.01.2022
  42


Автор: Ақан Сері

Ақтоқтының сипаты

Ой, қалқа, тілің тәтті, лебің балдай,
Қалам қас, ителгі көз, жазық мандай.
Түсінде Бағлан патша ғашық болып,
Секілді сүйген сұлу Күләндамдай.
Ойладым ғашықтыққа жарай ма деп,
Ішінде жанған оттың күйген жандай.
Жүсіптей Жақыпұлы зындандағы
Тұрамыз қасіретіңе біз де жылай.
Қыпша бел бәйге кердің жарауындай,
Кекілің тоты құстың тарауындай.
Қайрылып өзіңді аңсап келген шақта,
Жаутаң көз ақсүңқардың қарауындай.
Қор болып бір жаманға барғаныңша,
Еркек боп тусаң етті, қарағым-ай!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы