Өлеңдер ✍️

  31.01.2022
  111


Автор: Ақан Сері

АҚ КӨЙЛЕК

Жағасын ақ көйлектің парға тартқан,
Жауабың алуа шекер балға тартқан.
Жабулы шамбыл белі арғымақтай,
Порымың сондай, қалқам, қанға тартқан.
Бір жылда қисабыңды ала алмадым,
Жүз миллион серубира санға тартқан.
Сәулетті ақ жүзіңді сыпаттасам, –
Пормындай ақша ханның шанға тартқан.
Азырақ қалқа бала назымым бар,–
Күйіңдей қызыл қайың қылға тартқан.
Маңыңа көңіл батып жан жүре алмас,
Атындай ханзаданың таңба тартқан.
Паһымдар сөзімді мен келтіремін,
Өрнектеп ақ жамбыдай сымға тартқан.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу