👈 қаріп өлшемі 👉

  Өлеңдер ✍️

  23.01.2022
  73


Автор: Алма Түсіпбекова

Бәрі де махаббаттан басталады

Р.Рождественскийден

Бұзылып қара сөздің тас-қамалы,
Барлығы махаббаттан басталады!
Барлығы махаббаттан басталады:
Гүлдің көзі, баланың жанары да,
Әлгі жұмыс, билеген сананы да.
Не сезім бар бір одан асқан әрі,
Барлығы махаббаттан басталады!
Махаббаттан!
Мен оны дәл білемін,
Махаббаттан жүрегім жанды менің.
Барлығы – махаббаттың қарымтасы,
Өшпенділік – махаббат қарындасы.
Махаббаттан басталған арманың да,
Шарап ішіп шалықтап қалғаның да.
Қорқыныш...
Оны жеңген ұнтағың да,
Жететін сағындырып нұр-таңың да.
Тағдырдың таусылмайтын талқысы да,
Жабырқау тіршіліктің жалқысы да.
«Өмір сүр!»
Көктем солай сыбырласа,
Түрегел, намысыңыз жығылмаса.
Сонда сен тіктелесің, теңселесің,
Тірлігін тауқыметтің еңсересің!
Тағдырдың ашылғанда қас-қабағы,
Бәрі де махаббаттан басталады!
...Бәрі де махаббаттан басталады.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы