Өлеңдер ✍️

Қызмет пе?
Бар менде,
Кірі сынды қолымның.
Жан емеспін шерменде,
Бәрі жылтыр – жолымның.
Денсаулық па?
Ол да бар,
Шүкіршілік құдайға.
Жан емеспін жан бағар,
... Мұным қалай?
Ұнай ма?!
Ақша дейсің...
Табылар,
Мәселе емес ол-дағы.
Байлық саған ағылар,
Есеп білсең болғаны.
Жатсам – жайлы төсегім,
Көйлегім көк, тоқ қарын.
Қорқытпайды өсегің,
Үркітпейді ноқта-мұң.
Жан емеспін тарығар,
Тіршілікте қас-қағым.
Менде, ЖАНЫМ, бәрі бар,
Тек... ӨЗІҢНЕН басқаның!..