Өлеңдер ✍️

  21.01.2022
  87


Автор: Сайлаухан Нәкенов

Кеудемде бiр дыбыс бар

Мен де бiр кiтаппын,
Шыққандай баспадан.
Мiнезiм жұмбақ ол,
Сыншылар ашпаған.
Шу асау қиялдар
Шығандап барады,
Алдымда жолым бар
Басқалар баспаған.
Толассыз ойым бар
Толғағы пiспеген.
Отым бар, шабытым
Нажағай үстеген.
Сырым бар
Басқалар бiлмеген,
Жазбаған,
Кеудемде дыбыс бар
Нотаға түспеген.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу