Өлеңдер ✍️

  21.01.2022
  76


Автор: Сайлаухан Нәкенов

Күй

Айтыңдаршы мына күйiң не деп тұр?
Қос шектегi мынау әлем – дүние ғой бөлек бір.
Құмырсқадай жаудың жолын осынау
Қол басындай қарағайдың құдiретi бөгеп тұр.
Айтыңдаршы, мына күйiң не дедi?
Қайғы менен қуаныш та бұл далаға тел едi.
Құлағыма емiс-емiс егiлген үн келедi,
Қара бұлттың қақ астында желмаялар желедi.
Сол заманнан бір ғасырға бiз iлгерi тұрсақ та,
Тұлпарлардың тұяқтары дүрсiлдейдi бiр шақта.
Далам, саған ұлан-байтақ кеңдiк пен
Батырлық та маңдайыңа жазылған ба құрсақта!..


 




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу