Эсселер ✍️

Ағысы қатты өзен екен дейді. 25, 35, 45 жас үшеуі сол өзеннің жағасында отырса, қарсы жағалауға өңшең сұлу қыз-келіншектер келіп суға шомыла бастапты. Арасында бұларға қарап қол бұлғапта қояды. Мұны көріп шыдай алмаған қызу қанды 25 қатты ағысқа қарамай құлаштап жүзе жөнеледі. Қыз-қырқынға әуесі кеткен 35 те өзеннен өтуге бел байлайды. Бірақ қауіпсіздігінде ұмытпай үлкен бөренені қайық етіп алады. Кетіп бара жатып жайбырақат отырған 45 ке:

--Аға-ау, жүрсеңші арғы жағалауға қыздарға барайық -десе, 45 жас айтқан екен:

--Әй, несін асығасыңдар, сабыр етіп сәл шыдасаңдар олар өздері ақ келеді деп)

Сол айтқандай, мына қырық деген ақыл тоқтатып, не нәрсе болмасын сабырмен салмақтайтын жас екен. Алды-артыңды ойлап, бір мезгіл тоқталып өткен күндеріңе есеп беретін «өмір бекеті» деседе болады.

Құдай тағала қанша жас берседе шүкір-тобамды ұмытпаспын. Тек, Алладан тілерім -салмақты сабырымды ала көрме жаратқан!

Иә, сонымен 43 жас хош келдің! Аллаға тәуекел етіп бұйрғанын көріп алармыз. Аман болайық, ағайын!

Айдар Темірбекұлы