👈 қаріп өлшемі 👉

  Өлеңдер ✍️

  16.01.2022
  39


Автор: Дәурен Айманбетов

Шыдатпастай құба қайғым

Шыдатпастай құба қайғым,
Жалғыз келдiм, жұбат, айдын.
Оралмады аққуым сол,
Ләйлiсiндей Жұматайдың.

Айдын көл-ау, бұл адами,
Жалғаны ғой, сiрә фәни?
Құсым қонса шақыр менi,
Музасымен Мұқағали.

О, айдын көл, сенен ендi,
Кетем мен де көне бергiн.
Сағына жүр бiздi мәңгi,
Сағынышымен Төлегеннiң.

Толқисын ғой, қолқа салма,
Қала алмаймын мен қасыңда.
Мұңға шомсаң, күй өтiнiп,
Домбыраңды бер Қасымға.

Сенi аяп жас тамызар күн,
Сары уайымды сары жаңбыр.
Айдыныңды бұлт аймалап,
Оқып берер Мағжан жыр.

Қош!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы