👈 қаріп өлшемі 👉

  Өлеңдер ✍️

  16.01.2022
  39


Автор: Дәурен Айманбетов

Әдемі-әдемі...

Әдемі-әдемі түстердей тартымды,
Нұр болып төбеден түскендей жарқыл-ды.
Алтынға ұқсатам көз тартар, жо-жо-жоқ,
Керісінше, мен оған ұқсатам алтынды.

Керімсал найқалған, жарасқан сырбаздық,
Сүйкімді, ерекше қылық бар бір наздық.
Жүректі жаулайды, тілекті баурайды,
Көгімді жаз етіп, көңілімді жүр мәз ғып.

Жаратқан не деген шебер-ед, өнерлі-ед,
Бір мінсіз жасаған сұлу ғып мәнерлеп.
Жұмақтан әдейі біздерді таң қылып,
Бір күштің барын ол келгендей дәлелдеп.

Ия, сөзсіз, еріксіз қақтырды таңдайды,
Дидары теңеусіз, бітімі қандай-ды.
Ибалы, әдепті, иманы жетерлік,
Кіршіксіз ондайды сүймеуге болмайды.

Ұнатып талайды, пәленді-түгенді,
Мың ғашық болыппын, Шын ғашықпын енді.
Ал қызыл жұпарлы гүлдерден тоқылған,
Жүректің төріне төседім кілемді.
Келе ме?...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы