Өлеңдер ✍️

Көзіңдегі бокал толы үзім шарап көзді арбап,
Тілімдегі тіл жетпейтін ең бір шәрбәт сөзді арнап,
Бар қиялы мекендеген мамырдағы гүл үстін,
Шырын сүйген мен де жомарт шайырымын Шығыстың.
Жаны жайсаң жазылмаған Румидің өлеңін,
Қызғалдаққа қонақтатып қолыңа әкеп беремін.
Меңің үшін сыйлар едім шайыр өсер Құлжаны,
Кешірерсің, маған біраз қиын, қалқа, бұл жағы.
Құралай қыз құралақан қалдырмаймын десе де,
Шабыт сыйлап, шарап құйып берсең егер кесеме,
Өтінішім, жалындырмай жалғыз мәрте қаласаң,
Ақымақ деп мазақтама, ай жарықта адассам.
Құдіретіне саған арнап Ерлан жазған ғазалдың,
Әлі талай “аһ” ұрады әлі жетпей ажалдың!