👈 қаріп өлшемі 👉

  Өлеңдер ✍️

  12.01.2022
  68


Автор: Абдулмахмуд Пошатаев

Сүндет тойға арнау

Тойға келген уа жамағат армысың!
Оңтүстігім киелі өлкем бармысың.
Қара басты, хандай етіп көтерген,
Той иесі Сізге шексіз алғысым!
Қуанышты бөліспесе көпке сын.
Айта берсін, -қазақта той көп- десін.
Тойың-тойға ұлассыншы жамағат,
Шаңырақтан бақ- береке кетпесін.
Той дегенде қу бастар да домалар,
Бай болыңдар, жағдай түбі оңалар,
Шаңырақтан береке-бақ кетпесін,
Босағадан бақыт келіп оралар.
Аман болсын ата-анаң да, жан жағың.
Тек тойыңда шашылсыншы бар малың.
Үш бүлдіршін, азамат боп есейіп,
Орындалсын ойда жүрген арманың.
Ата-анаңның үміті бол Маратым.
Көкте самға, талмасыншы қанатың.
Ата-ананың ақтағайсың үмітін,
Жақсы адамның көбейтіп бір санатын.
Мендей болсын қаламы ұшты, қарымды.
Ақын болсаң, берер едім барымды.
Ұлы Аллаға мың бір мадақ айтамын,
Осы әулиетке сый қып берген, Дарынды.
Кенжетайсың,
Мен де кенже, балдырған.
Сен бір жауһар иран бақтан алдырған.
Елін сүйген ерке жігіт боп өсші,
Ата-анаңның мерей бағын жандырған.
Жыр төгетін күміс болсын таңдайың.
Жүзің жарық,
Ашық болсын маңдайың.
Бағлан ұлым, қамқоршысы болғайсың,
Ата-ананың сұрап тұрар, жағдайын.
Бодандықтан құтылғанмын, азатпын.
Он миллионмын, азғантаймын, аз ақ пын.
Бұл қай бала деп сұрасаң айтайын,
Мен Қазақпын,
Баласымын қазақтың.
Бұған куә, мына жер де, қара аспан.
Дауды шешер,
Жауды жеңер таласқан.
Мен заңгермін, Һақтың жолын ұстанған,
Жетім менен жесірлерге қарасқан.
Өміріңде оралмасын ойға мұң.
Орындалсын арман ниет ойларың.
Ұлдың тойы, үйленуге ұласып,
Той артынан той шақырсын тойларың.
Желкеніне жел естіріп, сенімнің,
Өрендері болып өссін елімнің.
Нариман мен Ақгүлжанға тілегім,
Самаурыннан шәй ішсінші келіннің.
Келін түссін шаңыраққа ай қабақ.
Бірлік болса кетер дейсің қайда бақ?!
Немеренің бесік тойын көріңдер,
Шөберенің уысынан май жалап.
Осы менің ақ тілегім, барым шын.
Тілегенің іздемей ақ табылсын.
Осы тойда айтылған бар тілектер,
Періштенің құлағына шалынсың.


 


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы