Өлеңдер ✍️

Қолымда өскен қарындасым сен менің,
Бақытты бол,
Жана берсін еңбегің.
Бауырымның қызы едің, ұмытпа,
«Шешем келіп қолыңа ал»- деп, бергенін.
Анам берген, -Міне ұлым, еншің- деп.
-Сен бір отау, сен де өзіңше елсің- деп.
Бауырмал ем, қуандым-ау ерекше,
-Ертең емес, дәл бүгін ақ келсін- деп.
Солай-солай тарих әрі жалғасты.
Алға жүздім, жұмыстарым алмасты.
Сені ертіп келген күні шешемнің,
Есігімді ашқан күні ед(і) алғашқы.
Күндіз-түні жұмысыммен әуремін.
Нұры түсіп отбасыма сәуленің,
Қыз бар үйге, періште айтып салауат,
Шіркін сол шақ,
Өрге жүзген, дәуренім!
Ел арасы аттыға алыс, ұзақ тым.
Қызмет деп- елден жырақ ұзаппын.
Алысыңнан арбалаған қазақпыз,
Сол ауылға, өз қолыммен ұзаттым.
Ауылына түстің әнші Еркенің.
Ұл-қызың бар, болашағың ертеңің.
Құдалар да қошеметке лайық,
Жан жарыңмен өркендесін өркенің.