Өлеңдер ✍️

Жөнін айтсаң бауырыңа, кектейді.
Маған да бір жан жылуы жетпейді.
Бұл дүниенің сынағы көп жалған-ай,
Аман болсын ағайындар, тек мейлі.
Неге менің жүгім ауыр, жас басым?
Ұнатпаса тауып алсын басқасын.
Менен артық бауырлар бар өмірде,
Ағайынның берекесі қашпасын.
Бір күн көрем, ата-анамды жылына,
Атақ артқан,
Мадақ артқан ұлың ба?
Әке-шешем бауырларым бар болсын,
– Дүние боқ, – Абай айтқан шынында.
Жақынымды, туысымды таң қылып,
Жыр жазайын, өшпес мұра қалдырып.
Ал содан соң әулиетімнің ошағын,
Өрт өлеңмен жалындатам, жандырып.
Жұмыс ауыр, тірлік ауыр қаншама,
Барлық пенде,
Барлық адам шаршаған.
– Бақыттымын – деген жанды көрмедім,
Жартылай-ақ, бақытты ма қанша адам?