Өлеңдер ✍️

  02.01.2022
  146


Автор: Әскерхан Ақтай

Сағынсын дедің бе?

Жұлдыздар жанғанда,
Жетпеген арманға,
Сағынсын дедің бе?
Көк майса жапқанда,
Гүл шешек атқанда,
Сағынсын дедің бе?
Кешкі арай өшкенде,
Іңір мұң көшкенде,
Сағынсын дедің бе?
Ақ нөсер жауғанда,
Ақша ауғанда,
Сағынсын дедің бе?
Өткелден өте алмай,
Керуен жете алмай,
Сағынсын дедің бе?
Алыстап тау асып,
Аққудай адасып,
Сағынсын дедің бе?
Жаңбырдың астында,
Көңілі тасқында
Сағынсын дедің бе.
Уақыт арғымақ,
Жыр ағар балбұлақ,
Сағынсын дедің бе...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу