Өлеңдер ✍️
  27.12.2021
  386

Автор: Ерлан Жүніс

* * *

Уақыт баяу... тез өтеді,
Жылап аққан жылға сынды,
Бізді жылдар сөз етеді,
Сөз етеміз біз ғасырды.

Қандай еді парқы, білсең, 
Біле алмасаң - сорың дағы.
Өмір деген - жарты күлше,
Жетім ұлдың қолындағы.

Бəлкім соны көз етеді,
Оң мен теріс – ызба сынды.
Бізді жылдар мезі етеді,
Мезі етеміз біз ғасырды...

Келері – жұп, кетері – тақ,
О, не деген бейқам адам?!
...Жан жұмбағы – көне кітап,
Соқыр ойың сипалаған.


  Ерлан Жүніс өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қара өлең ᐈ
  Қарадым ᐈ
  Жиырмасыншы қараша ᐈ
  Сағыныш ᐈ
  Қазақтан кешірім сұрау ᐈ

Пікір жазу