Өлеңдер ✍️

  13.12.2021
  139


Автор: Сапарғали Бегалин

Көктем бұлты

Аспанның алыс әлемін,
Көктемнің кезді жас бұлты.
Айтқандай аспан сәлемін,
Жаңбыр жауды, сел құйды.
Сапары бұлттың тым жырақ,
Аспан ғой астын кең жайған.
Түн болса бұлт маужырап,
Бал алғандай нұрлы айдан.
Сүйемін көктем жаз бұлтын,
Найзағай атып ойнаған,
Кемпірқосақ сұлу тым,
Салады жүйрік ой маған.
Дариға бұлттың жәйіндей,
Жарқылдап көктің жүзінде,
Шындықты жырлар тайынбай,
Болсашы жалын сезімде.

1940




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу