Өлеңдер ✍️

  13.12.2021
  116


Автор: Сапарғали Бегалин

Ынтығып іздеп

Ынтығып іздеп,
Оқуды көздеп,
Аттандым елден жыраққа.
Көз сүзбей жатқа,
Қалмай артта,
Жетпек болып мұратқа.
Мұраттың алыс қарасы,
Қиын боп жету шарасы.
Талапты жасқа,
Соғылар басқа
Кедергі бар емес пе?
Тамақсыз ақыл
Боларға мақұл
Елде орын тар емес пе,
Тар орында тапшы ақыл
Болар ма оңай мап-мақұл.
Тамақшыл қауым,
Түзеген дауын,
Сезер ме нең бар ішінде?
Өміріңді сарып,
Сонша ашып, арып,
Жұмсаған не бар күшінде
Обыр көзі тамақта,
Ойлы жан көзі талапта.
Талаппен қуып,
Белді бекем буып,
Тағдырдың мініп атына,
Алдымды көріп алыс,
Жете алмаған намыс,
Жалтақтамаймын артыма.
Арттағы таяу, алғы алыс,
Қиналдым үнсіз жол шалыс.


 




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу