👈 қаріп өлшемі 👉

  Өлеңдер ✍️

  02.12.2021
  262


Автор: Кәдірбек Құныпияұлы

МАСКА

Саусағыммен түртіп қалдым аспанды,
Отын жақты, жасқанды...
Шешіп қойып жатыр едім маскамды,
Бетім жатты тастанды...
...Айды түрттім құламады еш төмен,
Білмейді екем ештеңе.
Біреу көкте жазып отыр бір өлең
Кроссвордтағы кестеге...



Ақберен Елгезек,
«Кроссворд»,
«Жас Алаш», №104, 29.12.2011.



Қаламыммен түртіп қалдым қағазды,
Бір жаңылтпаш жазылды.
Нөлдер қосып жыпырлаттым саны азды,
Қыс жасадым жазыңды.
«Саусағыммен түртіп қалдым аспанды» –
Қара бұлттан сөз жауды
Түртіп қап ем ұйықтап жатқан мастарды
Өлең айтып қозғалды.
Түртпек едім Айға қолым жетпеді,
Арыстандай мерт болдым.
Тұтқынына айналыппын көктегі
Милау кроссвордтардың.
Жыр әлемге байланғаным бекер-ді,
Тұңғиығын кешпеппін.
Саусағыммен түртпек едім шекемді,
Маскамды әлі шешпеппін.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы