Өлеңдер ✍️
Өлеңдер ✍️
01.12.2021
202
ӘППАҚ ӘЛЕМ
Сен сүйген әуен жанды баурайды,
Сағыныш – сезім тамызып.
Далада әппақ қар қылаулайды,
Қайыңдар үнсіз қамығып.
Көмеймен ішкі қосылып әнге,
Сейілткендеймін мұңымды.
Бетіне қардың көшіріп әлде
Жазып шықсам ба сырымды...
Сорабындай боп соқпақ өлеңнің,
Көңілге із салды кестелі ой.
Құшағына еніп әппақ әлемнің
Айналып құсқа кетсе ғой...
Әлеуметтік желілерде бөлісіңіз:
Facebook | VK | WhatsApp | Telegram | Twitter