👈 қаріп өлшемі 👉

  Өлеңдер ✍️

  28.11.2021
  93


Автор: Кәдірбек Құныпияұлы

ҚАЙРАН АҒА

Өрден қырға,
Көктен жерге түсіп кеп,
Күміс қанат жырларымен ұшып кеп,
«Жетісудың» бөлмесінде желпініп,
Өлең оқып тұратұғын Нүсіпбек.
Қайран аға қолын сермеп айбынды,
Жеңілдетіп, ауырлатып қайғыңды,
алаңдайтын ертеңіне елінің,
Жайып салып болмысына сай мұңды.
«Өрісіңді өрт алғанда ез қыстар,
Өстіп үнсіз отырсыңдар жазғыштар.
Әділет жоқ бұл заманда әзірге
Билік құрар күн бар ма? – деп –
жазмышқа Ар?!»
Шерін төгіп осылайша шерлі Аға,
Көп арманын кетті бірге көрге ала.
Сондай ұлын сең соққандай іздеп жүр,
Асқар таулар, айдын көлдер, кең дала.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы